Titlar orðabóka og uppflettirita

Titlar orðabóka og uppflettirita eru skáletraðir.

Dæmi: 

Dóra Hafsteinsdóttir (ritstjóri). (2006). Stafsetningarorðabókin. JPV útgáfa.

Jakob Benediktsson (ritstjóri). (1998). Hugtök og heiti í bókmenntafræði. Bókmenntafræðistofnun Háskóla Íslands og Mál og menning.

Stundum á við að skrá færslur í uppflettiritum (einkum alfræðiorðabókum og hugtakasöfnum) líkt og um kafla í ritstýrðum bókum sé að ræða. Þá er skráð uppflettiorð en ekki blaðsíðutal. Upplettiorðið er ekki skáletrað heldur titill bókar. Sjá um skipt og óskipt titilsæti.