Niðurstöður

Niðurstöður eru yfirleitt síðasti kafli í meginmálinu. Hér greinir höfundur skýrt og skilmerkilega frá niðurstöðum rannsóknarinnar. 

Niðurstöðurnar eru rökstuddar með:
- vísan í töflur og myndir
- beinar tilvitnanir í þátttakendur í rannsókn

Höfundur þarf að gæta þess að útskýra mikilvægi gagnanna fyrir lesandanum og setja þau í samhengi við þær kenningar sem settar voru fram fyrr í ritgerðinni.  

Stundum er niðurstöðum skipt í tvo kafla: 
- einn fyrir framsetningu á niðurstöðunum (í töflum og gröfum) 
- annan fyrir túlkun og fræðilega umræðu.
Sé sú leið farin lætur höfundur sér nægja að segja frá niðurstöðunum með hlutlægum hætti í þessum kafla og geymir frekari umræðu um niðurstöðurnar þar til í síðari kafla sem helgaður er túlkun og umræðu um niðurstöðurnar.