Umræða

Umræðukafli kemur gjarna í beinu framhaldi af niðurstöðunum og þar gefst höfundi tækifæri til að ræða niðurstöðurnar í samhengi við þær kenningar sem ritgerðin hvílir á.

Umræðukafli hefur almennt þann tilgang að ígrunda niðurstöður rannsóknar og fræðilegt gildi þeirra. Slíkir kaflar geta orðið flóknir og þeim er gjarna skipt í undirkafla þar sem hver og einn þeirra fjallar um eitthvað afmarkað atriði í niðurstöðunum.